Categoría: eventos

Publicado o por

Tecendo Redes Emprendedoras: Café-networking e presentación da Escola de Emprendedoras Juana Millán | Xoves 25 de abril

O próximo xoves 25 de abril de 11h a 12h30 en Ese Sitio terá lugar o primeiro evento que 50 pés Consultoras realiza en colaboración con Escuela Juana Millán, da que son colaboradoras, e gostaríamos moito de que poideras asistir.

Teremos como anfitriona a Mónica de Ese Sitio, un espazo multi-colaborativo e artísitico na rúa Orzán, 194 da Coruña.

O obxectivo deste evento é a presentación da Escuela de Emprendedoras Juana Millán, unha plataforma de formación online de ámbito estatal, que ofrece acceso a formación especializada en xestión empresarial para mulleres emprendedoras en calquer fase do proceso emprendedor.

Tamén teremos ocasión de coñecernos e tecer redes con dinámicas participativas, café e infusións e petiscos.

Para asistir só che pedimos que cubras este sinxelo formulario

Esperamos con ilusión poder contar con vós!

Publicado o por

Taller Collage Pop + Playlist con Antón | Sábado 20.04

Un sábado Pop para aprender a facer colaxe e escoitar Playlist Pop con Antón.

Serán 3 horas de papel, tesoira e pegamento para crear boas colaxes. Podedes traer algún libro que vos interese ou material (tesoiras se queredes tamén).

Mentres tanto, escoitaremos música seleccionada por Antón: Pop, Syntpop, ambient, oldies (50’s 60`s) e tomaremos un viño.

Será en Ese Sitio r/ Orzán 194 baixo, 15003 A Coruña
Horario: de 18h a 21h
Cuota: 50 euros

Inscricións: info@esesitio.com | whatsapp 687 139 139

Publicado o por

Exposición de Belén Diz | Inauguración 21 de outubro con sorteo

O vindeiro venres 21 de outubro inauguramos nova exposición de ilustración. Nesta ocasión contamos coas obras da galega Belén Diz. Da súa obra destaca a incansable produción con bolígrafo, que a fai moi característica e vivaz. Case a estamos imaxinando en calquera sitio co seu bolígrafo bic retratando imaxes. Na mostra destacamos as pezas que representan parte dos seus personaxes, series ou películas favoritas.

A inauguración será a partir das 19h e sortearemos unha obra en formato A5 entre os e as asistentes.

Esperámosvos!

Exposición de ilustración
Fangramas
Belén Diz Juncal
A partir do 21.10. Inauguración ás 19h
Ese Sitio r/ Orzán 194 baixo. 15003 A Coruña

+BIO
Belén Diz Juncal (1993) vive, ou algo así, en Pontevedra, Galicia.
Graduada en Belas artes pola Universidade de Vigo e posteriormente titulada no máster de álbum ilustrado e animación audiovisual na mesma universidade, esta moza ilustradora dedícase a consumir bolígrafos, relando nun papel infinidade de realidades que pretenden completar a súa propia.

O seu traballo engloba diferentes temas e disciplinas, entre as que destacan a idea de infancia, o corpo e o fogar como refuxio, na que se pretende representar ese espazo que nos fai sentir seguros por medio de escenas onde o propio corpo, a mirada e o contexto reflicten un imaxinario construído a partir de recordos, sensacións e sentimentos. a intención é traer ao presente ese refuxio da infancia que na madurez resulta inalcanzable a partir dun achegamento á intimidade dos suxeitos retratados, extraendo eses momentos puntuais do ámbito privado e a memoria para volvelos algo tanxible.

Rescatando a importancia destes elementos, esta artista representa, por outra banda, a beleza e sensualidade da muller a través de escenas caracterizadas por unha profunda carga erótica. o propósito é resaltar a importancia do instante único, aludindo á individualidade do suxeito a través dun xogo no que o espectador se mergulla simultaneamente en situacións ás que aparentemente non foi convidado pero que suxiren todo o contrario, sempre dentro dese marco erótico.

Todo isto mediante debuxos de corte realista, cun coidado meticuloso respecto a a técnica. luces e sombras, enfoques e desenfoques que seducen pero que tamén fan reflexionar sobre a realidade representada, que convidan a imaxinar que é o que ocorre antes e despois, pois a pesar de que a representación é figurativa, non por iso vai implicar maior evidencia.

Publicado o por

Obradoiro de cerámica | Sábado 03.09

Dúas sesións de cerámica, unha pola mañá e outra pola tarde. Diríxeas Susana Anta.

Durante 1h e media dedicarase ao modelado e media hora a pintar as pezas.

Durante o proceso, explicarase como realizar correctamente os cosidos, como amasar o barro para evitar as temidas burbullas e que despois non estale a peza na cocción e como evitar que se grete a nosa peza durante o proceso de secado. Ou como colocar correctamente as asas, como ensamblar con seguridade as distintas partes e como decorar con engobes.

Cada participante dará renda solta á súa creatividade para levar a cabo a forma que desexe e a decoración que queira facer.
Nas dúas sesións e pezas aplicarase a técnica de placas.

Data: sábado 3 de setembro

Quenda de 11h a 13h

Elaboración dunha cunca

Quenda de 17h a 19h

Elaboración dun set de sushi

Imparte Susana Anta

47 eur

Materiais e cocción incluído

Inscrición:
info@esesitio.com

Tel. 687 139 139

Publicado o por

Kariatid | Conversa “A muller creadora na Historia da Arte”

CICLO KARIATID: A MULLER CREADORA NA HISTORIA DA ARTE*

Unha cariátide é unha columna con figura de muller, a cal, axudada por outras, sostén coa súa cabeza o entablamento (a parte superior) do templo. Elas sosteñen as máis pesadas cargas

Bienvenid@s a tod@s!

📌O sábado 6 de agosto* , de 20h a 22h* impartiremos a charla ’Kariatid: A muller creadora na Historia da arte’
📍no estudo creativo ’ESE SITIO’ (c/ Orzán 194 Baixo, 15003, A Coruña)

Será un encontro informal, idóneo para unha tarde de verán, no que á parte de pasalo o mellor posible (cunha consumición e aperitivos incluídos) aprenderemos e falaremos da (escasa) posición que tivo a muller creadora na Historia da arte. Por que foi isto así? Seguro que xorden moitas preguntas e reflexións, e, asegúroche, que en moitos momentos vas quedar coa boca aberta e moi asombrade@…

Falarei da miña experiencia como profesor e creador de cursos de Arte e o porqué todo iso levoume a estar aquí agora.

Trataremos de responder a varias cuestións:

🧐Este tema é unha moda ou é unha necesidade?
🧐Sabías que o mito do nacemento da Pintura é feminino e, en cambio, o mito do nacemento da Escultura é masculino?
🧐Falaremos das primeiras pintoras femininas ‘con nome’, para iso remontarémonos ao comezo de nosa era (século I d. C.).
🧐Por que moitas mulleres artistas non se atopan en de os libros de Historia da arte? Por que non se coñeceron os seus nomes?
🧐 Trataremos de desmontar prexuízos, visións nesgadas e incorrecciones na Historia da arte.
🧐 Por que en moitas ocasións as mulleres non tiveron acceso a estudos artísticos ao longo da historia? E á profesionalización?
🧐 Por que non se atopan presentes en moitas coleccións dos grandes museos? (veremos datos, os cales serán demoledores… Insisto, non veremos opinións, veremos datos).

Cousas que hoxe en día ven como cotiás e asumidas ata hai anos eran inasumibles (por exemplo, coa propia representación do corpo humano…).

O prezo da charla é de 12€* cunha consumición incluída por persoa e uns aperitivos, para pasalo aínda mellor.

Podes inscribirche poñéndoche en contacto connosco en:

📩manuelfcastroartist@gmail.com
📩info@esesitio.com
☎️Tel./WhatsApp: 667602096 / 697667009

Manuel

Publicado o por

En Feminino | Obradoiro Moodboarding

Queres recuperar ou conseguir tangibilizar a túa idea para poder darlle un novo impulso ao teu negocio?

Convidámosche os talleres presenciais de MOODBOARDING que se celebrarán na Coruña divididos en dúas sesións: parte téorica e parte práctica.

Dirixido a: Empresarias e emprendedoras

Data: 21 e 27 de xullo. Horario: De 10h a 12h.

Lugar de celebración: Ese Sitio. Rúa Orzán,194.

Contidos:

Mellorar a tangibilización de ideas, fundamentalmente de servizos.
Recuperar o focus na túa idea.
Atopar inspiración compartindo experiencias con outras mulleres emprendedoras e empresarias.

Publicado o por

Mulleres Creativas | Evento Sábado 12 Marzo | Mercado · Obradoiros · Ilustracións

Este sábado imos celebrar o 8M e non pode ser doutro xeito que facervos partícipes dos traballos de mulleres no eido da creación.

O evento comprende tres ámbitos:

–Mercado de 12.30h a 20.30h . Poderedes atopar só creacións feita por mulleres. Comprende: libro por e sobre mulleres. Producto ilustrado en téxtil, cerámica, papelaría. … Artesanías diversas.

–Ilustracións das nosas creativas. Estarán expostas para a súa compra.

· Obradoiros ao longo do día. Temos un programa que publicamos seguidamente.

Entre outras creativas, estarán presentes Mamá Unicornio. La chica de la cinta. Cinza, La Chapera, Son Humanita, Xiralúa, Pilea, Brétemas…

Haberá ilustracións, entre outras, de Ana Jarén, Tutti Confetti, Lara Lars, Abi Castillo, Montse Gutiérrez, Paula Mayor, Eli Rus, Chus Rojo,…

Ademáis, contaremos no peche coa performance de Marta Mato, Iria Mourón e Alba Farto. Trátase dunha performance sobre o conto de Emilia Pardo Bazán «La Camarona».

Programa Obradoiros:

Inscricón gratuita no correo electrónico info@esesitio.com

-Ás 13h: Lettering con Alba Farto. Para maiores de 7 anos.

·Ás 17h: Crea a túa propia cámara con Carmen Martínez. Para maiores de 9 anos

·Ás 18.30h: Bordado creativo sobre papel con Vero Nóvoa

Publicado o por

En Feminino | Obradoiro + Networking | 24.02

Anunciamos con moita alegría que retomamos as reunións En Feminino que organizamos en Ese Sitio coa Fundación Mujeres. Son sesións de obradoiro e networking de emprendedoras.

O obradoiro terá lugar o xoves 24 de febreiro na Coruña onde, ademais de realizar unha primeira incursión nas habilidades comerciais, aproveitaremos para realizar un networking entre todas as asistentes ao taller.

Os contidos do obradoiro están enfocados a traballar as habilidades comerciais e empoderar ás mulleres no ámbito comerciais cun profesionalizado e estruturado.

O obradoiro é presencial e apóiase en titorías individualizadas co obxectivo de traballar as habilidades comerciais e as competencias para xerar máis recursos e dunha maneira máis eficiente na empresas das participantes.

Data: 24/02/2022
Hora: 10:00-14:00h
Lugar: ESE SITIO. rúa Orzán, 194 baixo-15003 A Coruña

Inscricións na seguinte ligazón:

https://docs.google.com/forms/d/1yxiXb7d-PfmwtgvJYowxyjflw7UC5Z-X8I52rR_9Iqk/edit

Publicado o por

Exposición de ilustración de Ana Jarén

O vindeiro venres 24 de setembro a partir das 17.30 h inauguramos a exposición individual de Ana Jarén. A mostra reúne unha selección de ilustracións que capturan a esencia da cotidianeidad, de escenas no fogar ou entre amantes. Os seus protagonistas, maiormente mozas, figuran entre iconas da cultura popular doméstica, en escenarios caseiros, convivindo con produtos de consumo diario.

Datos
Desde o 24.09 ata o 12.11
(Do 6 ao 15 de outubro a galería-tenda Ese Sitio estará pechado)
Horario visita 17.30 h a 20.30 h (outros horarios, visita previa)
Máis info ou contacto 687 139 139
Ese Sitio. C/ Orzán 194 baixo, 15003 A Coruña

Por motivo de restricións, o noso plan de inauguración será celebrala cun sorteo entre todos os visitantes da expo o día da inauguración. Entregaremos unha participación a cada visitante que así o soliciten. Se comparten a visita cunha foto nas súas redes, recibirán outra participación. Entre todos sortearase unha lámina A4 das expostas de Ana Jarén.

Ana Jarén (Sevilla, 1985) iniciou a súa carreira profesional no sector da comunicación de moda en Madrid. Este contexto avivou a súa faceta máis creativa, iniciando os seus primeiros traballos como ilustradora.

Na súa obra, Ana captura a beleza da vida, a xente e as escenas do día a día, parando con gusto nos pequenos detalles.

O mundo dos sentimentos e as emocións ocupa un lugar preferente no seu traballo, presentando aos personaxes en contextos evocadores que serán completados coa propia experiencia do espectador.

Ana traballa de forma principalmente manual, mesturando técnicas como os rotuladores, lapis ou acrílicos. O seu medio preferente é o papel, aínda que se poden atopar as súas obras tamén en murais e outros formatos.

Ana tivo a oportunidade de ilustrar para importantes medios nacionais e internacionais como Vogue, The Washington Post, Glamour, entre moitos outros. É autora do libro Amigas ( Lunwerg, 2020) e ilustrou numerosas portadas e libros. Entre os clientes que contaron con ela atópanse FNAC, Springfield, Bombai Sapphire, e moitos máis.